Baadhi ya wabunge wa Mlima Kenya wamemuidhinisha Waziri Mkuu wa zamani Raila Odinga kama mgombea wao wa urais 2022 na kutangaza matakwa yao.
Magazeti pia yaliripoti kuhusu hatua ya Seneta wa Baringo Gideon Moi kujitosa katika kinyang'anyiro cha urais 2022.
1. People Daily
Katika hoteli ya Nairobi, zaidi ya wabunge 20 ambao ni washirika wa Rais Uhuru Kenyatta walikutana na kiongozi wa ODM Raila Alhamisi, Septemba 30.
Wabunge hao wakiongozwa na Kiongozi wa Wengi katika Bunge la Kitaifa Amos Kimunya walitaja matakewa ambayo Raila lazima azungumzie ikiwa atachaguliwa kuwa rais.
"Mkutano huu ulikuwa wa kushughulikia maswala ya nipe nikupe," Mbunge wa Mukurweini Anthony Kiai alisema.
Kimunya alisema walikuwa na maagizo kutoka kwa Rais Uhuru Kenyatta kufanya kazi na mgombea huyonwa urais abaye mara kwa mara amekuwa ndebeni.
Orodha ya Matakwa
Ugavi wa rasilimali kulingana na idadi ya watu.
Uwakilishi sawa katika nafasi za kuchaguliwa na kuteuliwa.
Pia soma
Agnes Tirop: Rais Uhuru Aamuru Polisi Kuharakisha Uchunguzi wa Mauaji ya Mwanariadha
Kukamilishwa kwa miradi inayoendelea.
Amani.
Usalama.
2. The Standard
Alhamisi, Septemba 30, mwenyekiti wa KANU Gideon Moi aliidhinishwa rasmi na chama chake kuwa mgombea wake wa urais katika uchaguzi wa 2022.
Seneta huyo wa Baringo anatarajia kumwiga babake, marehemu Daniel arap Moi, ambaye alitawala nchi kutoka 1978 hadi 2002.
Wakati akihutubia wajumbe, Moi aliahidi kupambana na ufisadi, kuboresha huduma za afya na uchumi.
"Katika siku mzijazo, lazima tujenge uchumi endelevu; kutoa msingi wa uundaji wa utajiri, kutoa huduma bora za afya na bei nafuu na kuhakikisha usalama wa chakula," alisema.
3. Daily Nation
Polisi wameanzisha uchunguzi kuhusu mauaji ya mwanafunzi wa kike wa mwaka wa kwanza katika Chuo Kikuu cha Laikipia.
Getrude Chepkoech alidungwa kisu na mtu anayedaiwa kuwa mpenzi wa rafiki yake wwanayeishi naye.
"Tumeanzisha uchunguzi kuhusu swala hili. Pia tutakuwa tukitaka kufichua ni nani haswa alitekeleza mauaji hayo," kamanda wa polisi eneo bunge la Nyahururu Mary Kiema alisema.
Pia soma
Bintiye Raila Winnie Odinga Asema Ataolewa 2022 Baada ya Babake Kuingia Ikulu
Mshukiwa aliyetambuliwa kama Ezra aliripotiwa kuingia ndani ya makazi ya wanafunzi yalivyoko viungani mwa Nyahururu na kumuua msichana huyo.
Mmoja wa wahudumu wa kufanya usafi katika makazi hayo aliema kwamba mshukiwa ambaye alijidunga kisu tumboni baada ya kisa hicho alikuwa amekorofishana na mpenzi wake na alionywa asitie guu lake katika eneo hilo.
"Mpenzi wake alipiga kamsa, aalimsuta mshukiwa ambaye alikuwa amesafiri kutoka Nakuru, kwa kuingia katika makazi yao kwa lazima. Tulimfukuza na kumuonya asirudi tena hapa," alisema.
4. The Star
Vinara wa One Kenya Alliance (OKA) wamedokeza kwamba huenda wakaungana tena na aliyekuwa Waziri Mkuu Raila Odinga kabla ya kura za 2022 ambazo zimechacha moto.
OKA iliwaunganisha Gideon Moi wa KANU, Moses Wetang'ula wa Ford Kenya, Musalia Mudavadi wa ANC, na Kalonzo Musyoka wa Wiper.
Viongozi hao walizungumza wakati wa mkutano wa wajumbe wa kitaifa wa chama cha KANU uliofanyika katika ukumbi wa Bomas of Kenya jijini Nairobi ambapo Moi aliidhinishwa kupeperisha bendera ya chama hicho 2022.
Pia soma
Orodha ya Majina ya Viongozi Wanaomezea Mate Wadhifa wa Unaibu wa Rais
"Mnamo 2022, naona uwezekano wa kuungana kwetu sote, na tunaweza kuunda chama kimoja ambacho kitatubeba sisi sote. Kwa hivyo msiwe na wasiwasi juu ya mpango wetu wa kufanya kazi; tunajuana kama waswahili wajuanavyo kwa vilemba, na sisi "Hatutakuwa na ugumu wa kufanya kazi pamoja," Kalonzo alisema.
5. Taifa Leo
Mnamo Jumatano, Septemba 29, wanandoa Meru walifungwa jela maisha kwa hatia ya ulanguzi wa bhangi yenye thamani ya KSh 3.09 milioni.
James Muthiora, almaarufu Karinta na mkewe Fridah Karimi walipewa adhabu hiyo nzito na Hakimu Mkuu Mwandamizi wa Mahakama ya Meru Thomas Muraguri.
Muthiora, 59, na Karimi, 50, walitenda kosa hilo huko Imenti Kaskazini mnamo Novemba 2018.
Walikamatwa pamoja na washukiwa wengine watatu Timothy Kinoti Kariaci, Joseph Ekeno Ekeno, na Jacob Githae Mukunyu.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.
Tazama Video Kemkem za Kusisimua Kutoka hapa TUKO.co.ke.
Pia soma
Edwin Sifuna Amsuta DP Ruto na Kumwambia Sharti Aheshimu Maboma ya Watu
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdkZ4VyfJVmpJqfka%2BytbXNomSoo6Skr6J5kGaumqaRqLaiv8Bmrpplm56yrbHWnqKeZZ2peqyxzbKYZq%2BRosKqsMeipaKrmJZ6s63IpZhmo6Wsrq%2B1wGasq5mZqHupwMyl