Nobody Can Stop Reggae: Raila Odinga Aingia Murang'a Kwa Kishindo

Kinara wa ODM Raila Odinga Jumapili Agosti 29 alihudhuria ibada ya Jumapili kaunti ya Murang'a katika kanisa la Bible Fellowship Church, Kangare eneo bunge la Kigumo. Raila alifika eneo hilo kuendeleza kampeni yake ya kuingia Ikulu 2022 na vuguvugu lake la Azimio la Umoja.

  • Raila alisema lengo lake kubwa ni kuhakikisha Mt Kenya inapata haki yake katika kugawa keki ya taifa
  • Aliahidi kutekeleza mfumo wa 'one man one shilling' katika kugawa mapato ya nchi ili maeneo yaliyo na watu wengi wapokee mgao zaidi
  • Ziara ya Raila hata hivyo ilikuwa na kibaridi baada ya viongozi wa eneo hilo kukosa kuandamana naye

Kinara wa ODM Raila Odinga Jumapili Agosti 29 alihudhuria ibada ya Jumapili kaunti ya Murang'a katika kanisa la Bible Fellowship Church, Kangare eneo bunge la Kigumo.

Raila alifika eneo hilo kuendeleza kampeni yake ya kuingia Ikulu 2022 na vuguvugu lake la Azimio la Umoja.

Aidha Raila alichukua nafasi hiyo kusema kuwa amekuwa akichafuliwa jina kuwa haamini dini.

"Mimi ni Mkristo, na ndio nimekuja hapa kuhudhuria ibada hii na nimefurahia maneno matamu ya askofu," alisema Raila.

Raila alitumia safari yake kutetea mkataba wa handisheki kati yake na Rais Uhuru Kenyatta sawa na uliokuwa mswada wa mageuzi ya kikatiba BBI.

Pia soma

This Country Should Be Disbanded: Mfuasi Sugu wa Raila Akutana na Junet Mohammed

Raila alisema BBI ilikuwa ya kuhakikisha eneo la Mlima linapata haki yake katika ugavi wa keki ya kitaifa.

"Tunataka kila eneo lipate pesa zake, ndio maana tunasema one man, one shilling, Na ninataka kusema nobody can stop reggae," alisema Raila.

Baba alikuwa ameandamana na wabunge Maina Kamanda, Ruth Mwaniki, Simba Arati, Junet Mohammed na Esther Passaris.

Ziara ya Raila hata hivyo ilikuwa na pengo kwani isipokuwa mbunge wa Kigumo ambaye ni mwandani wake, viongozi wengine wa kaunti hiyo hawakuhudhuria ibada hiyo pamoja naye,

Kumekuwa na dhana kuwa imekuwa ngumu kumuuza Raila katika eneo la Mt Kenya licha ya kuwa anaonekana kuwa chaguo la Rais Uhuru Kenyatta.

Wakati wa mkutano kati ya Rais na wabunge wa Kieleweke katika Ikulu Jumamosi Agosti 28, walisema kumuuza Baba Mt Kenya itakuwa kama kuuza nguruwe katika msikiti.

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690

Pia soma

Baba, 45, Arejea Shule ya Sekondari Miaka 26 Baada ya Kufanya KCSE

Tazama Video Kemkem za Kusisimua Kutoka hapa TUKO.co.ke

Subscribe to watch new videos

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdkZ4Fzf5dmpaian5nGbq%2FAp2SsrJ%2BlerOxxqCYnmWilratrYyom6Kml5Z6orXNoKCaZZ2qv6K6xppkp5ldoMK0scyaZaGsnaE%3D

 Share!