- Rais Uhuru Kenyatta alikuwa ameahidi kujengea familia ya Elizabeth Wanjiru nyumba nzuri
- Pia aliahidi kumlipia msichana huyo karo yake ya shule
- Baada ya kukutana na kiongozi wa taifa, Wanjiru, wadogo wake na mama yake walihamishwa hadi nyumba nyingine mtaani Juja
- Kisha baadaye walihamishwa hadi katika nyumba inayomilikiwa na baraza la kaunti ya Kiambu
- Kulingana na mama yake ni msichana huyo, Uhuru alikosa kutimiza ahadi yake
Emily Wanjiru aligonga vichwa vya habari mwaka 2014 wakati alimgusa Rais Uhuru Kenyatta na shairi lake lenye mada Mvua Hii wakati wa mashindano ya kitaifa ya muziki
Kutokana na matokeo yake bora, Wanjiru aliendelea kuzungumziwa ambaye baadaye alifuchua kwamba alikuwa anaishi katika nyumba mbovu bila mahitaji ya kawaida.
Habari Nyingine: Magazeti ya Jumatatu, Septemba 14: Walinzi wa Rais waliokamatwa kwa Sudi ni washirika wa Ruto
Habari Nyingine: Gavana Joho ashangazwa na ukarimu wa ghafla wa DP Ruto
Kisha Uhuru aliahidi kujengea familia hiyo nyumba bora na kumlipia msichana huyo karo yake ya shule ambapo Wanjiru, wadogo wake na mama yake walishuhudiwa wakihamia nyumba nzuri eneo la Juja.
Hata hivyo, katika mahojiano ya hii majuzi na The Standard, mama yake mtoto huyo alifichua kwamba ahadi za Rais hazikutimizwa kwani hali ya familia hiyo ilibadilika na kuwa mbaya zaidi.
Mama yake Wanjiru, Elizabeth Njoki, alifichua kwamba wamekuwa wakihangaika na hata kulazimika kutafuta chakula katika biwi la taka baada ya kutupwa Juja.
Habari Nyingine: Neymar atimuliwa uwanjani baada ya kumzaba kofi difenda wa Marseille Alvaro Gonzalez
Kulingana naye, walihamishwa baadaye kutoka nyumba yao ya Juja hadi katika nyumba inayomilikiwa na baraza la kaunti ya Kiambu
"Tuliletwa Kiambu mwendo wa saa nne usiku na hatujawahi kuwaona wale ambao walitusafirisha,"
"Huwa nalazimika kwenda kwenye biwi la taka kutafuta chakula kuwalisha watoto. Walikuwa wameahidi kushughulikia mahitaji yetu lakini tangu tufike hapa, hatujawaona," alisema Njoki
Wakiwa Kiambu, Njoki alidai kwamba, Gavana wa zamani wa Kiambu, Ferdinand Waititu alimpa kazi ambapo alikuwa akilipwa KSh 800 kila siku lakini sasa hana kazi.
"Watoto wangu wamekuwa wakilala njaa wakati mwingine na matumaini yangu kwao ni Mungu atawasaidia," aliongezea Njoki
Mama huyo pia alifichua kwamba wamegeuka na kuwa kicheko mtaani baada ya maisha yao kukosa kubadilika.
"Emily hukataa nisimtume dukani kwa sababu wakati ninamtuma, watu huanza kumchekelea wakisema nyumba tunayoishi sio yetu," alisema mama Wanjiru.
Familia hiyo sasa inamuomba rais asikize kilio chao na kumpa Njoki kazi na hati miliki ya shamba ili aweze kujenga nyumba yake.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 073248269.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjbIZ3f5ZmnZqlmaG2onnYmmSmq5mYtaK6wGaYpaGpmrqowdKaZKuZmah6trTUq6xmppFiwKmtyKugZqSRoLJuwMCmrGaxkamup8HNsJhmppFiwq6t0qSgp6FencGuuA%3D%3D