Ni nini hatma ya Naibu Rais William Ruto na wandani wake? Hili ndilo swali ambalo magazeti ya Jumatano, Mei 13 yanajaribu kujibu.
Habari zingine zilizopewa kipaumbele ni uwezekano wa ndege za humu nchini kurejelea biashara zao na kikosi maalum kimebuniwa na Wizara ya Elimu kujadili kufunguliwa kwa shule huku visa vya COVID-19 vikifika 715 Jumanne, Mei 12.
Habari Nyingine: Rais Magufuli akosa kuhudhuria mkutano wa marais wa EAC kujadili COVID-19
Habari Nyingine: Wafungwa 42 Gereza la Viwandani watengwa baada ya kutangamana na wagonjwa 2
1. People Daily
Wachanganuzi wa siasa wasema kuwa Naibu Rais William Ruto ana hatua mbili za kuchagua ili kuimarisha azma yake ya kumrithi Rais Uhuru Kenyatta mwaka 2022.
Hatua ya kwanza ni aondoke Chama cha Jubilee na kubuni mrengo mpya wa siasa ambao huenda ukamsaidia kuingia Ikulu baada ya kutamatika kwa utawala wa Uhuru.
Wataalam hao pia wanasema Ruto anaweza kusalia chamani, hatua ambayo itampatia kura za huruma kutoka kwa wapiga kura kwani ataonekana kunyanyaswa.
Kulingana na Mbunge wa Mathira, Rigathi Gachagwa, makamo wa rais anapigwa vita kila mahali tangu kuanza kuungwa mkono na karibia Wakenya wote.
2. Taifa Leo
Baada ya Wizara ya Afya kusema kuwa watu ambao wanatafuta matibabu hospitalini watapimwa virusi vya corona kabla ya kulazwa, imeibuka kuwa watu wengi wamekoma kuenda hospitalini.
Gazeti hili linaripoti kuwa idadi ya wagonjwa wa saratani, TB na shinikizo la damu wanaotafuta usaidizi pia imepungua maradufu.
Wagonjwa hao wanaogopa kuwekwa karantini na pia unyanyapa endapo watagunduliwa kuwa na ugonjwa huo.
Wakati huo huo, Waweru Wangui, mkulima wa konokono eneo la Lanet anakadiria hasara baada ya shamba lake kuvamia kufuatia madai kuwa ameambukizwa virusi hivyo kutoka kwa wateja wake Wachina.
Hata hivyo hana virusi hivyo lakini bado anakumbana na unyanyapa kutoka kwa majirani wake.
3. The Star
Gazeti hili linaripoti kuwa huenda kiongozi wa upinzani, Raila Odinga alichangia katika mabadiliko ambapo wandani wa Ruto walivuliwa nyadhifa zao.
Wakati Rais Uhuru alitelekeza kuondolewa kwa maseneta Kipchumba Murkomen na Susana Kihika kutoka kwa nyadhifa za Kiongozi wa Wengi Seneti na Mnadhimu Mkuu mtawalia, alimshauri waziri mkuu huyo wa zamani.
Awali, wakati Seneti ilimng'oa mamlakani Ferdinand Waititu kama Gavana wa Kaunti ya Kiambu, Uhuru alimshauri Raila na pia kutumia ushauri wa Raila kumtimua Waititu.
Kulingana na gazeti hili, kinara wa upinzani anatafuta mamlaka kubwa serikalini na viongozi wanaomuegemea huenda wakanufaika katika mageuzi yatakayofanyiwa Baraza la Mawaziri.
4. The Standard
The Standard linaripoti kuwa mkutano wa Kundi la Wabunge ulioandaliwa katika Ikulu Jumatatu, Mei 11, ulikuwa na ajenda mbili.
Ajenga ya kwanza ilikuwa kumuondoa Kipchumba Murkomen kama Kiongozi Wengi Seneti na kuchaguliwa kwa kiongozi mpya.
Katibu Mkuu wa Chama cha Jubilee, Raphael Tuju, kulingana na kumbu kumbu iliyorekodiwa, alithibitisha kuwa wanachama wote wa JP walikuwa wamealikwa kwa kikao hicho cha dakika 45.
Wakati Uhuru aliwahutubia maseneta, alisema kuwa hana nia potivu katika kufanya mabadiliko kama kiongozi wa chama na pia hana kinyongo na yeyote.
Wakati huo huo, gazeti hili linaripoti kuwa wauzaji wa mafuta nchini wanapania kushikilikia bei ghali ya mafuta licha ya bei hiyo kupungua duniani.
Katika barua kwa Wizara ya Kawi, waliomba bei za mafuta kusalia ilivyo kati ya bei mpya ya Februari na Machi.
5. Daily Nation
Baada ya kuwatimua viongozi wa seneti walionekana kukosoa uongozi wake, bakora la Rais Uhuru Kenyatta sasa inalenga Bunge la Taifa.
Sawia na washirika wakuu wa Ruto walivyoangukiwa na shoka seneti, viongozi wanaoshikilia nyadhifa kubwa Bunge la Taifa na wanamuegemea Naibu Rais pia chuma chao ki motoni.
Miongoni mwa wale ambao huenda watavuliwa mamlaka ni pamoja na mwenyekiti wa Kamati kuhusu Bajeti Kimani Ichung'wa, Kiranja wa Wengi Benjamin Washiali na naibu wake Cecily Mbarire.
Kiongozi wa Wengi Bunge la Taifa, Aden Duale ambaye ni mwandani mkuu wa Ruto huenda ataponea makasi hayo kutokana na namna anavyojadili masuala bila kumshambulia Uhuru.
READ ENGLISH VERSION
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjaoN4fZRmpJqfka%2BytbWMsphmoqWirrWtzahkpp2ZYn50ecicn66ml6yubrrAZq6aq5ierq21jKSYraGblnqprdOaqaJlqZZ6rMHAp56uo5msrm66wGaZmqOfp65uxcBmrKGtoqp7qcDMpQ%3D%3D