- DCI wanasaka mmiliki wa gari la Raila linaloarifiwa halijasajiliwa kikamilifu
- Gari hilo aina ya Range Rover ni baadhi ya yale ambayo DCI wanashuku ya wizi ama yaliingizwa nchini kinyume cha sheria
- Uchunguzi huo wa DCI huenda ukazua joto la kisiasa kati ya mrengo wa Raila na wapinzani wake
Kinara wa ODM Raila Odinga ni baadhi ya kundi la viongozi ambao wanalengwa na uchunguzi wa kitengo cha uchunguzi wa uhalifu wa jinai (DCI) kuhusiana umiliki wa magari ya kifahari yanayodaiwa kuwe kwenye kashfa kadhaa.
Kulingana na gazeti la Standard la Jumatano, Oktoba 9, gari hilo la Raila tayari limenaswa na DCI kwenye uchunguzi kuhusu usajili wake.
Habari Nyingine: Moses Kuria akosoa Matiang'i kwa kutangaza sikukuu ya Moi
Duru zinaarifu gari hilo aina ya Range Rover lenye nambari ya usajili KCS 002D kwenye uchunguzi huo ambapo DCI inaamini aidha ni la wizi ama halikulipiwa ushuru kama inavyotakikana ili kusajiliwa kikamilifu.
Makachero sasa wanataka kuelewa iwapo gari hilo linamilikiwa na Raila ama ni la mmoja wa wafuasi wake na kumpa ili atumia.
Kando na Raila, waziri wa Ugatuzi Eugene Wamwala pia anasakwa.
Habari Nyingine: Gavana Mutua akamatwe, Seneti yatoa agizo
Vile vile, wabunge Maoka Maore wa Igembe Kaskazini, Mathias Robi wa Kuria Magharibi na George Theuri wa Embakasi Magharibi wako kwenye orodha ya uchunguzi huo wa DCI kutokana na umiliki wa magari yao.
Raila ni mmoja wa vigogo wa kisiasa humu nchini na huenda uchunguzi huo ukaanza ukachemsha uwanja wa kisiasa kati ya wafuasi wake na wapinzani.
Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsApp: 0732482690.
Subscribe to watch new videosChanzo: TUKO.co.ke
ncG1vNJzZmijmajEorTIpaBnrKWgvG%2BvzmeinmdjZoVxf5hmqZqhnJZ6rq3SoZikmZ6eeqWvyGaumqWYqsCqv8eaZKeZXaeur7PEZqmorpWnerqxzbKcZq2klsGiesetpKU%3D